طيري تخمر من طلوعه حباريـه

من طار منهن زار حوض المنيـة

شواف ..هداد ..ومحدن يجاريـه

ويعود لي ..لا صحت صيحة خفية

مضياف .. لحاق .. ويفرس بآياديه

طـيرن جليـل من حـرار قويـة

صـدر عريـض بينـاتن ثناديـه

من صيدته يأكـل ويأكـل خويـه

اليا طـلع غشـام بانـت هقاويـه

محـدن نقـل مثلـه ولا من حليـه

حاضره ينبي عن أفعـال ماضيـه

دامـه مـن الحـرار قايـد سريـه

ما شفتـلي طـير بفعلـه يجاريـه

مــاله مثيـل ولا لقينـا ...حليـه